Uncategorized

ቀይ ዘመን – የኤሊ ጉዞ!

ቀደም ብዬ እንደገለጽኩት 21 ወራት የደከምኩበት በአይነቱ ልዩ የሆነው አዲሱ መጽሃፌ በአውሮፓ፣ በሰሜን አሜሪካ፣ በኢትዮጵያ እና በኤርትራ ለንባብ ለመብቃት እንደ ኤሊ እየተጉዋዘ ይገኛል።

የዚህ መጽሃፍ ትረካ ታሪኮች ከ1900 እስከ 1999 ያለውን ጊዜ የሚሸፍኑ ቢሆንም፥ በድህረ ታሪኩ እስከ 2021 ላለው ክስተት በቂ ሽፋን ይሰጣል። “ከግራኝ አሕመድ እስከ አብይ አሕመድ” የሚል ቅጥያ አርእስት ለመያዝ ግን በ’ውነቱ ብቁ አይደለም።

(በዚህ አጋጣሚ በአካባቢያችን የፖለቲካ አካሄዱ “የኤሊ ጉዞ” የሚል ቅጽል ስም የተሰጠው መሪ ማን ነበር?)

ዞረም ቀረ 400 +/- ገጾች የያዘው አዲሱ መጽሃፌ “ቀይ ዘመን” እንደሚባል መግለጼ ይታወሳል። ቅጥያ አርእስቱ – “ኢትዮ ኤርትራ 101” የሚል ነው።

ለዚህ መጽሃፍ የተለያዩ የሽፋን ዲዛይን መነሻ አሳብ እየደረሰኝ ነው። በውነቱ ገና አልረካሁም። የተሻለ አሳብ ያላችሁ ባለሙያዎች ttgebreab@gmail.com ላይ ትልኩልኝ ዘንድ እጠብቃለሁ። ለአሸናፊው አሳብ ገጽ ሁለት ላይ ምስጋና ወይም እውቅና እሰጣለሁ!

Leave a Reply

Your email address will not be published.